Qëllimi kryesor i arsimit profesional në profilin “Llogari”, niveli IV i KSHK, të drejtimit”Ekonomi-Biznes” është “zhvillimi i personalitetit të nxënësve për të jetuar në përshtatje me botën që i rrethon, zhvillimi dhe nxitja e aftësive së tyre për të menduar, krijuar dhe zgjidhur probleme në mënyrë të pavarur si dhe përgatitja e tyre për t’u punësuar apo vetëpunësuar në veprimtari profesionale që lidhen me profilin Llogari”. Zhvillimi te nxënësit i ndjenjës së vetëbesimit, kultivimi i vullnetit të lirë në marrjen e vendimeve, nxitja e gatishmërisë për të nxënë gjatë gjithë jetës dhe për t’u zhvilluar individualisht në drejtimet emocionale, intelektuale dhe profesionale janë sfida të rëndësishme për arritjen e këtij qëllimi. Për të realizuar këtë, shkolla profesionale i’u krijon nxënësve:

• mundësi të përshtatshme për të nxënë, pavarësisht nga gjinia, raca, besimi dhe aftësitë;
• mundësi për të gjithë, për të zhvilluar kompetencat profesionale, të bazuara në njohuritë,
• shprehitë, qëndrimet dhe vlerat të mjaftueshme për të lehtësuar punësimin dhe përparimin drejt arsimit e formimit profesional të mëtejshëm;
• mbështetje për t’u njohur me rregullat e sigurisë në punë dhe të ruajtjes së mjedisit në- përputhje me standardet ndërkombëtare dhe për t’i zbatuar ato me rreptësi;
• mbështetje për t’u njohur me teknologjitë e proceset bashkëkohore e të perspektivës në- fushën e llogarisë, që lidhen me kualifikimin profesional përkatës;
• mbështetje për të zhvilluar ndjenjën e disiplinës, kuriozitetin intelektual dhe profesional,
• aftësitë sipërmarrëse si dhe vlerat e tyre morale;
• mbështetje për t’u zhvilluar psikologjikisht dhe fizikisht për të përballuar vështirësitë që- do të ndeshin gjatë veprimtarive të ardhshme profesionale;
• mbështetje për të zhvilluar frymën e tolerancës dhe të mirëbesimit nëpërmjet përvojës së punës.

Në përfundim të arsimit profesional në profilin profesional “Llogari”, niveli IV i KSHK, nxënësi do të zotërojë këto kompetenca të përgjithshme kryesore:

• Të komunikojë në mënyrë korrekte me shkrim e me gojë për të shprehur mendimet e- ndjenjat e tij dhe për të argumentuar opinionet për çështje të ndryshme. 
• Të përdorë burime dhe teknika të ndryshme të mbledhjes dhe të shfrytëzimit të- informacioneve të nevojshme për zhvillimin e tij personal dhe profesional. 
• Të nxisë potencialin e tij të brendshëm në kërkim të vazhdueshëm për zgjidhje të reja më efektive dhe më efiçente. 
• Të angazhohet fizikisht, mendërisht dhe emocionalisht në kryerjen e detyrave të- ndryshme në kontekstin profesional, personal dhe shoqëror. 
• Të respektojë rregullat dhe parimet e një bashkëjetese demokratike në kontekstin e- integrimeve lokale, rajonale. 
• Të manifestojë guxim dhe aftësi sipërmarrëse për të ardhmen e tij.
• Të tregojnë vetëkontroll gjatë ushtrimit të veprimtarive të tij.
• Të organizojë drejt procesin e të nxënit të tij dhe të shfaqë gadishmërinë dhe vullnetin për të nxënë gjatë gjithë jetës. 
• Të respektojë parimet e punës në grup dhe të bashkëpunojë aktivisht në arritjen e objektivave të pranuara.
• Të vlerësojë dhe vetvlerësojë nisur nga kritere të drejta si bazë për të përmirësuar dhe- çuar më tej arritjet e tij.

Me përfundimin me sukses të arsimit profesional në profilin profesional “Llogari“, niveli IV I KSHK, nxënësi do të jetë i aftë të zhvillojё mё tej kompetencat profesionale tё fituara nё nivelin e mëparshëm, si dhe tё ushtrojë kompetenca tё tjera profesionale, si më poshtë:

• Të kryejë detyra që lidhen me procesin e prodhimit:

1. Të kontribuojë për hartimin e planeve të prodhimit.
2. Të dokumentojë shpenzimet e prodhimit.
3. Të llogarisë shpenzimet e prodhimit
4. Të llogarisë kosto totale dhe për njësi.
5. Të llogarisë dhe planifikojë rezervat e ndërmarrjes.

• Të kryejë veprime në fushën e shitjeve:

1. Të kontribuojë në studimin e tregjeve globale dhe konkurruese të shitjeve.
2. Të mbajë korrespondencë zyrtare në fushën e shitjeve, sipas rregullave ndërkombëtare dhe në gjuhë të huaj.
3. Të identifikojë klientët aktualë dhe potencialë në fushën e biznesit.’
4. Të kryejë shitje dhe dokumentojë ato.
5. Të pranojë dhe përpunojë reklamime për shitjet e kryera.

• Të kryejë veprime në fushën e blerjeve:

1. Të kontribuojë në studimin e tregjeve globale dhe konkurruese të blerjes.
2. Të identifikojë furnitorët aktualë dhe potencialë në fushën e biznesit.
3. Të krahasojë oferta, vendosë dhe ruajë marrëdhëniet me furnitorët.
4. Të përzgjedhë dhe përfshijë, në kontratat e blerjes, kushte të ndryshme të lëvrimit dhe pagesave.
5. Të dokumentojë dhe regjistrojë blerjet.
6. Të kryejë blerjet për personelin e njësisë ekonomike.

• Të kryejë veprime që lidhen me krijimin e ndërmarrjes dhe regjistrimin e saj:

1. Të kontribuojë në kryerjen e studimeve për krijimin e ndërmarrjes dhe në hartimin e planeve të thjeshta të biznesit.
2. Të përcaktojë formën juridike të ndërmarrjes, në vartësi të kushteve dhe kërkesave të krijuesve të saj.
3. Të hartojë planin e biznesit.
4. Të hartojë dokumentet e themelimit të ndërmarrjes.
5. Të kryejë veprimet e liçencimit dhe regjistrimit të ndërmarrjes dhe të hartojë të gjithë dokumentacionin përkatës.

• Të kryejë veprime në fushën e burimeve njerëzore:

1. Të kontribuojë në planifikimin dhe rekrutimin e personelit, në përputhje me nevojat.
2. Të zbatojë procedurat për rekrutimin e personelit, në përputhje me nevojat për të.
3. Të dokumentojë personelin dhe lëvizjet e tij sasiore dhe cilësore.
4. Të hartojë listëpagesa pagash e sigurimesh.
5. Të rregullojë marrëdhëniet me personelin, sigurimet shoqërore dhe shtetin.

• Të kryejë procese pune në zyrën e kontabilitetit:

1. Të kryejë regjistrimet kontabël të themelimit dhe regjistrimit të ndërmarrjeve.
2. Të kontabilizojë shpërblimet, blerjet, shitjet, pagesat, arkëtimet, kreditë, lëvizjet e aktiveve afatgjata.
3. Të vlerësojë pasurinë e ndërmarrjes .
4. Të kryejë procedurat dhe kontabilizimet e mbylljes vjetore.
5. Të hartojë bilancin përfundimtar dhe pasqyrat që e shoqërojnë atë.
6. Të kryejë analiza të treguesve të rentabilitetit dhe atyre financiare.
7. Të kryejë kontabilizime kostosh.

• Të kryejë veprime të fushës së marketingut:

1. Të kontribuojë në përpunimin dhe realizimin e koncepteve dhe fushatave të thjeshta reklamash.
2. Të kontribuojë në përpunimin e identitetit të ndërmarrjes dhe realizimin e tij.
3. Të kontribuojë në hartimin e materialeve informuese dhe promocionale në vartësi të llojit të veprimtarisë së ndërmarrjes dhe produkteve të saj.
4. Të kontribuojë në planifikimin dhe realizimin e promocionit të ndërmarrjes dhe produkteve të saj.

• Të mbajë dhe rregullojë marrëdhëniet me organet tatimore:

1. Të deklarojë TAP, TVSH, TF duke plotësuar deklaratat përkatëse.
2. Të zbatojë procedurën për rregullimin e marrëdhënieve me shtetin për sa i takon TAP, TVSH, TF.
3. Të kuadrojë me zyrat e tatimeve vendore ose qendrore.
4. Të respektojë afatet dhe shlyejë detyrimet e ndryshme tatimore të ndërmarrjes ndaj administratës qendrore e lokale.

Përfundimi me sukses i arsimit profesional në profilin “Llogari” niveli IV i KSHK, e pajis nxënësin me certifikatën e nivelit menaxherial në këtë profil profesional. Ky arsimim i jep nxënësit mundёsi t’i drejtohet tregut të punës për t’u punësuar si punonjës i administratës,(arkëtar, ekonomist i mesëm për kryerjen e veprimtarive që lidhen me mbajtjen e llogarisë në njësi ekonomike të ndryshme. Me përfundimin e suksesshëm të këtij niveli, nxënësi fiton njëkohësisht edhe diplomёn e “Maturës shtetërore profesionale”, me mundësi për vazhdimin e studimeve të larta universitare, si edhe të arsimit pas të mesmes.