Qeveria e Nxënësve

”Qeveria e Nxënësve” është një strukturë organizative e pavarur e nxënësve në shkollë.

Ajo përfaqëson mendimin e masës së nxënësve për çështjet e shkollës, mësimit dhe edukimit të tyre. Nëpërmjet ”Qeverisë së Nxënësve” sigurohet pjesëmarrja aktive e tyre në proçeset e ndryshme demokratike në shkollë dhe në komunitet.

Në kryesinë e Qeverisë së Nxënësve secila klasë ka përfaqësuesin e vet.

Kjo Qeveri promovon pjesëmarrjen e nxënësve dhe koordinon përfaqësimin e ideve dhe opinioneve të tyre në organet drejtuese të Institucionit në strukturat mësimore, praktike dhe të shërbimeve.

Qeveria e nxënësve ka për mision:

1. të mbrojë dhe të promovojë të drejtat e nxënësve;
2. të kontribuojë në plotësimin dhe zhvillimin e interesave të nxënësve;
3. të ndihmojë në mbarëvajtjen e shkollës;
4. të përfaqësojë nxënësit e shkollës në marrëdhëniet me drejtorinë e shkollës, komunitetin dhe nxënësit e shkollave të tjera.